Направете вкусни чорбаџиски пиперчиња во слатко кисела маринада, одлични за мезе во студените зимски денови.
Потребни состојки:
- Чорбаџиски пиперки
- шеќер
- оцет
- сол
- повеќе лук
Начин на подготовска:
Потпечете ги малку пиперчињата, внимателно колку да омекнат, на умерена температура.
Ситно исецкајте го лукот. Потоа наполнете ги теглите со пиперки, со лесно притискање одозгора со лажица. Редете ред пиперчиња па додадете ситно сецкано лукче, потоа пак пиперчиња и се така додека ја наполните теглата.
Направете ја маринадата, така што во шерпа на оган ќе ставите оцет и шеќер во однос 1:1. Пример 1 чаша оцет со 1 чаша шеќер и сол по вкус. Солете и пробајте на вкус додека ви се допадне.
Кога ќе почне да врие маринадата, тргнете ја од оган и додека е врела сипете ја во теглите, колку да ги облие пиперките. Веднаш потоа затворете ги теглите со капачиња. Превртете ги и оставете да се оладат.
Пробајте, ќе ви се допадне!