Сирупот од грозје ќе биде вашиот нов омилен пијалок.
Состојки:
- 3 кг грозје/ зрна од грозје
- 500 грама шеќер на литар варен сок
- 2 стапчиња цимет
- 10 каранфилчиња
- сок од еден голем лимон
- 2 x кесички ванилин шеќер
Состојки за џин и тоник од грозје:
- 30-40 мл сируп од грозје
- 1 дцл тоник
- 20-30 мл џин
- 3-4 лажици сок од лимон
- 1 парче лимон
- неколку зрна грозје
- листови од нане
Подготовка:
Чистите шишиња заедно со капаците ставете ги во рерна загреана на 100 степени најмалку 10-15 минути за да се стерилизираат. Брзо исплакнете ги гроздовите и ставете ги во сад и истурете вода колку да ги покрие 2-3 см. Додадете цимет, каранфилче и сварете.
Гответе на тивок оган 30 минути. Потоа исцедете. Доколку сакате, можете повторно да го исцедите многу ситно преку газа. Измерете го сокот и додадете 500 грама шеќер на секој литар течност. Додадете го ванилиниот шеќер и вратете го на шпорет и оставете да зоврие.
Оставете го на страна, измешајте го сокот од лимон и веднаш истурете во шишиња. Добро затворете ги и оставете го сирупот да се излади. За џин и тоник од грозје, едноставно измешајте ги состојките и послужете.
Пријатно!