Ова е само еден начин на кој може да ги конзервирате на доматите и вака складирани во текот на целата зима да уживате во нивниот вкус.
Состојки:
- 1-2 кг шери домати
- 2 чешниња лук
- 1 лажичка синап
- 2 лажичка црн бибер во зрно
- 2 лажички сол
- 4 лажички шеќер
- 4 лажици вински оцет
- малку зачини по избор
- 2 тегли
Начин на подготовка:
Мерките не се дефинирани затоа што зависи какви домати ќе се изберат. Доколку се одберат покрупни домати тие заземаат поголем простор па во тој случај пожелно е доматите да се маринираат во поголема тегла.
На дното на теглата се става 1 чешне лук, ½ лажичка синап, ½ лажичка црн пипер, измиен лист од рен, измиено ливче од вишна. Теглите се полнат со домати колку што е можно позбиено. Теглите со доматите се залеваат со зовриена вода до половина и се оставаат така да стојат 15-20 минути.
Потоа во секоја тегла се додава по 1 лажичка сол и 2 лажички шеќер, повторно се долеваат со зовриена вода, оставајќи малку место за 2-те лажици вински оцет кои ќе треба да ги додадете на крај.
Теглите веднаш се затвораат со капак и се превртуваат наопаку. Така се оставаат додека потполно се оладат. Теглите се чуваат на ладно место но е потребно да се чуваат во ладилник.
ИНФО ПЛУС: Можеби не сте знаеле дека листовите од вишна поседуваат антисептички особини. Токму затоа тие се користат во народната медицина, а во кулинарството се употребува при конзервирање, киселење, маринирање на некои зеленчуци. Токму затоа и во овој рецепт, во теглата се става едно ливче лист од вишна. И уште нешто, од листовите се добива одличен витамински чај. Чајот од листови е одличен диуретик.