Идеи за тоа како можете да ги зачувате доматите во замрзнувач и да уживате во нивниот вкус дури и во текот на зимата.
Неколку практични начини кои со големо задоволство ги споделуваме со сите вас и се надеваме дека овој рецепт ќе ви биде корисен.
Состојки:
- домати (количината вие ја одредувате колку што сакате да подготвите)
За првиот начин: Изберете помеки домати.
Доматите исечкајте ги, ставете ги во блендер (можете да ги мелете и во мелница за месо). Ќе добиете убав сок кој можете да го истурите во калапи за мафини, садови за мраз или пластични чаши и така да ги замрзнете. Подоцна при употреба само извадете ја замрзнатата количина која ви треба.
За вториот начин: Доматите, можете да ги исечете на прстени и да ги наредите во вакум кесички и замрзнете ги. Ќе добиете спакувани домати, кои можете да ги користите кога сакате.
За третиот начин: Измелете ги сечканите домати во блендер. Земете неколку чешниња лук и исечкајте го на ситни коцки. Додадете малку масло во тавата, кога ќе се загрее маслото додадете го лукот и пржете го 1-2 минути на умерена температура.
Додадете ги мелените домати и динстајте околу 10-15 минути. Кога ќе зовријат доматите, исклучете го шпоретот и оставете да се излади. Кога сосот ќе се олади, истурете го во пластични садови и на тој начин замрзнете го.