Гравот на мексикански начин е јадење кое веднаш ќе ви го стопли срцето и душата. Од оваа комбинација на состојки прсти ќе излижете и нема ништо да оставите во чинијата!
Состојки:
- 200гр црвен грав
- 2 кутлачи доматно пире
- 80гр сланина
- 1 црвен кромид
- 1 луто пиперче
- сол
- бибер
- 1 стапче цимет
- 1 лаворов лист
- 2 гранчиња рузмарин
- маслиново масло
- 500мл зеленчукова супа
Подготовка:
Исечете го кромидот на тенки парчиња и исечкајте ја сланината. Загрејте 3 лажици масло во голем длабок сад и пропржете ја сланината со кромидот 2 минути.
Додадете ги гравот, ловоровиот лист, циметот, чили пиперчето и варете на висока температура 5 минути, со постојано мешање.
Потоа додадете го доматното пире и зеленчуковата супа, покријте го со капакот и варете 30-40 минути.
Земете 2 кутлачи од супата и изблендирајте ги, за да добиете кремаста основа. Потоа додајте ја во остатокот од супата и измешајте.
Зачинете со сол и бибер. На крај извадете го циметот и ловоровиот лист.
Сервирајте со тортиља или потпечен леб, ставајќи малку маслиново масло.
Добар апетит!
