Еве како е најлесниот и најбрзиот начин да направите чоколаден десерт со кикирики.
Доколку сакате чоколадо, но и брзи десерти, тогаш задолжително одберете ја оваа чоколадна слатка со кикирики. Рецептот содржи и путер од кикирики, кој е здрав. Овој колач е многу едноставен бидејќи сите состојки само се мешаат и потоа се оставаат да се изладат.
Состојки:
- 320 гр млечно чоколадо
- 250 гр бело чоколадо
- 200 гр чоколадо за готвење
- 80 гр путер од кикирики
- 350 гр несолени кикирики
- 350 гр солени кикирики
Подготовка:
Во тава измешајте ги чоколадото и путерот од кикирики и нежно загрејте ги на тивок оган 15 до 20 минути, повремено мешајќи. Кога ќе се стопат состојките, тргнете го садот од шпоретот и оставете да се излади 5 минути.
Додадете ги кикириките, промешајте, па со лажица земете ја смесата и истурете ја на плех обложен со хартија за печење. Ставете ги во фрижидер најмалку 30 минути или додека слатките не се стегнат.
Пријатно!