Рецептот за пивската торта особено ќе ги воодушеви љубителите на овој пијалок.
Ова е познатата торта со темно пиво која е многу популарна во Ирска. Веројатно ви останало уште малку чоколадо во шпајз и темно пиво во фрижидер, па можете да направите толку добра торта што многумина ја нарекуваат „сладок грев“. Поканете ги вашите пријатели на дружба и продолжете да уживате во пролетта со овој рецепт за неверојатен десерт.
Состојки:
- 200 гр путер
- 200 мл темно пиво
- 3 лажици какао во прав
- 2 јајца
- 100 гр кисела павлака
- 1 лажичка екстракт од ванила
- 220 гр брашно
- 120 гр шеќер
- 1 кесичка прашок за пециво
- 250 мл слатка павлака
Подготовка:
Во садот ставете го путерот заедно со пивото, па промешајте на умерен оган додека целосно да се растопи, потоа додадете го какаото во прав и сето измешајте. Во посебен сад ставете цели јајца со павлака и екстракт од ванила, па изматете кратко да се соединат убаво.
Потоа додадете го растопениот маргарин со пивото. Брашното измешајте го со шеќерот, прашокот за пециво и прстофат сол, па постепено додајте го во смесата со јајцата. Мешајте со миксер додека не добиете изедначена смеса која потоа ќе ја префрлите во подмачкан калап со дијаметар од 22 см.
Се пече во рерна на 180 степени C околу половина час. Можете да користите стар трик со чепкалка за заби. Кога ќе боцнете чепкалка во колачот, таа треба да остане чиста, што е знак дека е доволно испечен. Изматете ја слатката павлака за да добиете густ шлаг, па кога колачот ќе се излади премачкајте ја одозгора и послужете.
Пријатно!