Научете како да направите плазма шејк.
Плазма бисквитот се користи за приготвување на разни деликатеси, а најзастапен е при подготовка на чизкејк. Ретко кој ќе одбие плазма, а најдобриот пијалок од овој бисквит е дефинитивно шејкот. Се подготвува од само 3 состојки, но и покрај тоа што е едноставен, мора да внимавате при мешањето. Не претерувајте за да стане премногу течно, треба да биде пенесто и кремасто, а наместо блендер можете да користите и миксер со стапчиња.
Состојки:
- 150 мл слатка павлака
- 200 мл млеко
- 80 гр мелена плазма
- шлаг (или слатка павлака)
- чоколаден прелив
Подготовка:
Истурете ја слатката павлака, млекото и плазмата во блендерот. Блендирајте додека не стане пенесто, но не и течно.
Земете чаша во која ќе го послужите десертот па прелијте ја внатрешноста со чоколаден прелив. Истурете ја внатре смесата па декорирајте со шлаг и прелив, а секако можете да додадете и нешто по ваш избор.
Пријатно!