Без разлика што ништо не може да ја замени класичната сарма, овој рецепт ќе ве остави без зборови колку е вкусна.
Не можеме да ја замислиме традиционалната сарма од кисела зелка без месо и сланина. Но, за време на божиќниот пост мораме да го прилагодиме, а ви нудиме рецепт кој ќе ве воодушеви. Толку е богат со вкус што нема ни да забележите дека нема месо. Се филува со ореви, кои треба да се комбинираат со печен зеленчук. Ова е одличен предлог за ручек, но и за празнична трпеза.
Состојки:
- 1 главица кисела зелка
- 2 моркови
- 1 пушена риба по вкус
- 250 гр ориз
- 2 праза
- 2 главици кромид
- 1 поголем компир
- 150 гр мелени или сечкани ореви
- зачини по желба
Подготовка:
Се пропржува сечканиот кромид и праз, па се додаваат ренданиот морков, компирот и се динста малку. За тоа време потопете го оризот во вода и додадете го во тавата со зеленчукот. Варете околу 10 минути, зачинете по вкус.
Тргнете од шпорет, па додајте ги оревите и рибата што сте ја исецкале. Завиткајте ги сармите, па наредете во огноотпорен или земјен сад. Наредете ги и листовите зелка, па прелијте ја со водата која сте ја измешале со малку лута пиперка. Печете на 150 ° C околу 4 часа.
Пријатно!