Посна памук мека погача за секоја пригода, може и како леб да се консумира.
Состојки:
- 300 мл топла вода
- 45 гр свеж квасец
- 100 мл масло
- 1,5 лажички сол
- 1 лажичка шеќер
- 600 гр брашно
- 100 гр маргарин
- црно-бел сусам за посипување
Подготовка:
Стопете го квасецот во млака вода, додадете шеќер и лажица брашно. Оставете околу 10 минути да нарасне квасецот. Просејте го брашното во сад за мешање и додајте сол. Потоа додадете квасец, и замесете тесто. Покријте го со салфетка и оставете го на топло да стаса, околу 45 минути.
Поделете го тестото на шест еднакви делови. Расукајте го секој дел на набрашнета работна маса со сукало во круг, а потоа премачкајте го со маргарин кој стои на собна температура, освен последниот круг.
Наредете ги одделените кругови едни врз други, така што последниот не е обложен со маргарин. Потоа се заедно расукајте со сукало во малку поголем круг, приближно 50 см. Потоа исечете го тестото на 16 триаголници, и завиткајте го секој исечен дел во кифличка како и обично.
Кифличките наредете ги во подмачкана тава така што осум треба да се распоредат по страна, а осум во средина, една до друга.
Покријте го колачот со салфетка и оставете го 45 минути да стаса. Можете да премачкате одозгора со посен мајонез и посипете со сусам по желба. Ставете малку маргарин врз нив пред печење. Печете во загреана рерна на 200 С околу 30-40 минути, додека убаво зарумени.
На здравје!