Покрај тоа што е основна храна, лебот може да биде изненадувачки корисен, дури и ако не го консумирате.
Често се случува да останеме со леб, а наједноставно решение да го искористиме, без да го фрлиме, е да направиме попара од него. Сепак, стариот леб може да помогне на неколку начини. Затоа размислете уште еднаш пред да го фрлите, бидејќи може да ви помогне во дури 10 ситуации, а еве ги.
-
Отстранете трње или парчиња дрво
Пред да се обидете да копате во кожата со пинцета или игла, пробајте го ова. Лебот налејте го со малку зовриена вода, но да не се впие целосно, оставете го да се излади доволно за да можете да го допрете. Ставете го на повреденото место, а преку него завој или нешто друго што ќе го фиксира на тоа место. Топлата вода ќе ја омекне кожата околу трнот или парче дрво, а лебот ќе го извлече додека кожата се лади и се исуши.
2. Чистење на слика
Ако имате слики во масло на платно, тогаш знаете колку е тешко да се исчистат. Мекиот дел од лебот има одлична текстура која може да навлезе во мали пукнатини и вдлабнатини. Се што треба да направите е лесно да замесите и да притиснете парче леб на сликата и ќе видите како ќе се залепат прашината и нечистотијата. Ако ви останале трошки од леб на сликата, само користете мека четка за да ги отстраните.
3. Отстранување на дамки
Сунѓерестата структура на лебот е неверојатна и за чистење на дамки. Од средината на лебот, без кората, направете цврсто топче за дамки во кујната или бањата. Ќе работи како гума за бришење и нема да ви требаат хемиски средства за чистење.
4. Заборавете на солзите додека сечете кромид
Можеби изгледа смешно, но работи како магија. Ставете парче леб во устата, така што едниот дел е надвор. Причината поради која плачеме кога сечеме кромид е сулфатот што се ослободува од кромидот додека го сечеме. Лебот го апсорбира овој гас и ни дава чист воздух, без иритација.
5. Исечениот колач/торта ќе остане свеж/а подолго
Речиси целата храна што е изложена на воздух ја губи својата структура со текот на времето и се распаѓа. Ако сте направиле колач и сте исечкале само неколку парчиња, местата каде што колачот останал отворен можете да ги покриете со две парчиња леб, така што ќе ставите по едно парче од секоја страна и лебот ќе ја задржи свежината на колачот.
6. Одржување на свежината на лиснатиот зеленчук
Влагата во воздухот влијае на распаѓањето на лиснатиот зеленчук, дури и ако е во фрижидер. Откако ќе го измиете, исушите и ставите зеленчукот во сад со капак, ставете парче леб внатре. На овој начин ќе го забавите распаѓањето на зеленчукот, а лебот ќе го елиминира ризикот од лоша миризба.
7. Соберете парчиња скршено стакло на безбеден начин
Текстурата на влакна е она што ви треба за да соберете мали парчиња скршено стакло, а лебот ја има таа текстура. Искористете го мекиот дел од лебот така што ќе направите топчиња и ќе ги притиснете на површината. Парчињата стакло ќе се залепат за нив.
8. Отстранете го вишокот маснотии
Лебот лесно впива течност, што е корисно ако имате вишок маснотии во шерпа или чинија. Само натопете парче леб на површината на супа, сос или кое било друго јадење, а на местата каде што ќе видите маснотии, лебот ќе го впие.
9. Елиминирајте го мирисот на изгорена храна
Ако ви се случи да изгори храната, сè во садот ќе почне да мириса на изгорено. Ослободете се само од проблематичниот дел, а на остатокот ставете парче леб. Лебот ќе го отстрани мирисот и никој нема да забележи дека храната ви е изгорена.
10. Чистење дамки на ѕидови
Масните прсти или свежо извалканите детски раце можат да остават дамки на ѕидовите. Може да се обидете да ги избришете со сунѓер, но тоа може да остави трага и со текот на времето да ја промени бојата на ѕидот. Од друга страна, ако користите меко парче леб, дамките на ѕидовите ќе исчезнат без трага.