Чурек или бесквасен колач е сладок леб кој се подготвува за многу верски и семејни ритуали како свршувачки, крштевки и сл.
Во југоисточниот регион на Македонија на маса секогаш има чурек. Обичајот на кршење на чурекот за армаси е најсвечена античка македонска традиција, која денес е неизбежен ритуал при свршувачката. Чурекот се меша и украсува на различни начини во зависност од имагинацијата и креативноста на оној што го прави ритуалот за кој е наменет. Ако е мрсно чурек се меси со јајца и млеко, а ако е посен се меси посно.
Состојки:
- 800 гр брашно
- 150 мл млеко
- 200 мл масло за јадење
- 3 јајца
- 1 квасец
- 1 ванилин шеќер
- 2 лажици шеќер
- 1 портокал
- 200 гр. суво грозје
- Маргарин
- Сол
Подготовка:
Се ренда кора од портокал и се цеди сокот и се валка со потопено суво грозје. Квасецот се замесува со млеко, путер, јајца, шеќер, ванилин шеќер, малку сол и малку брашно и се остава да нарасне десетина минути.
Потоа се додава сокот од портокал и остатокот од брашното и се замесува меко тесто. Се додава суво грозје и се замесува мазно тесто. Тестото се покрива со крпа и се остава да нарасне околу еден час.
Како дополнително ќе се обликува изгледот на чурекот, зависи од ритуалот и креативноста. Може да се прави и во форма на плетенка, во форма на цвет, сончев крст, украси со цветови на врвот и сл.
Потоа чурекот се премачкува со јајце и маргарин, а може да се додаде и бел сусам и афион. Чурекот се остава да нарасне во тепсијата и се пече 30 минути на 200 степени и уште 20 минути на 150 степени. Откако ќе се испече се остава во загреана рерна уште десет минути.
Пријатно!