Комбинација од сочно чоколадо и крцкави лешници.
Состојки:
Бисквит:
- 3 јајца
- 150 гр шеќер
- 50 мл масло
- 100 мл млеко
- 100 гр чоколадо
- 70 гр брашно
- 1 прашок за пециво
- 100 гр мелени лешници
Крем:
- 400 мл млеко
- 1 чоколаден пудинг
- 60 гр шеќер
- 100 гр чоколадо
- 50 мл силно црно кафе
- 250 гр путер
Глазура:
- 20 гр путер
- 100 гр чоколадо
Подготовка:
Бисквит: Јајцата и шеќерот изматете ги со миксер, додадете масло, млекото, растопената чоколада, брашното измешано со прашокот за пециво и лешниците. Сè убаво измешајте, па истурете ја смесата во подмачкан и набрашнет плех со димензии 22 × 36 cm и печете во загреана рерна на 180 ° C 35-40 минути.
Крем: Прашокот за пудинг измешајте го со 2-4 лажици шеќер. Земете 6 лажици од 400 мл ладно млеко и убаво измешајте ги со смесата од пудинг и шеќер.
Остатокот од млекото сварете го, тргнете го од оган и додадете го изматениот прашок за пудинг, па варете 1-2 минути мешајќи. Во топлиот пудинг измешајте ги стопеното чоколадо и црното кафе. Истурете го во подлабок сад, покријте го со фолија и ставете го во фрижидер.
Изматете го путерот додека не се запени и додадете го во изладениот пудинг. Се убаво измешајте и наредете на изладениот бисквит.
Глазура: Растопете го путерот, тргнете го од оган, измешајте го чоколадото искршено на коцки и мешајте додека не добиете мазна структура. Добро изладете ја тортата, па прелијте ја со чоколадната глазура.
Пријатно!