Чоколадото и плазмата се секогаш добра комбинација, затоа задолжително направете ја оваа торта.
Љубителите на чоколадните слатки нема да можат да одолеат на оваа совршена торта. Воопшто не е комплицирано, не се пече и не бара многу труд, а вкусот е волшебен. Ако сакате малку да го омекнете вкусот на чоколадата, правите пудинг од ванила, па додадете чоколадо.
Состојки:
- 120 гр пудинг со вкус на чоколадо
- 5-8 лажици шеќер
- 10 г ванилин шеќер
- 750 мл млеко + околу 200 мл бисквитно млеко
- околу 210 гр плазма бисквити
- 100 гр чоколадо
- 100 гр путер
- 80 мл слатка павлака
Подготовка:
Ставете 500 мл млеко со шеќер и ванилин шеќер да се варат. Пудингот се меша со преостанатите 250 мл млеко и се прелива во зовриеното млеко. Гответе додека пудингот не се згусне со постојано мешање. Во сварениот пудинг додадете чоколадо и мешајте додека да се растопи чоколадото. Покријте со фолија и оставете да се излади.
Изматете ја слатката павлака. Во изладениот пудинг додадете путер и изматена павлака, па изматете со миксер. Одвојте малку пудинг за декорација. Калапот 30 x 20 цм покријте го со фолија. На дното од калапот наредете ги плазма бисквитите кои претходно сте ги потопиле во млеко.
Врз него се става 1/2 од пудингот, па плазмата што сте ја потопиле во млекото, другата половина од пудингот и повторно бисквитите. Оставете го колачот во фрижидер преку ноќ. Следниот ден извадете ја тортата од калапот и декорирајте.
Пријатно!