Вкусот на оваа торта неодоливо потсетува на познатиот московски шнит.
Бара малку повеќе подготовка но крајниот резултат вреди.
Состојки:
За корите:
- 16 белки
- 16 лажици шеќер
- 24 лажици мелени ореви
- 4 лажици мелени лешници
- 4 лажици брашно
За полнење:
- 16 жолчки
- 12 лажици шеќер
- 1 пудинг од ванила
- 500 мл млеко
- 1 лажица густин
- 250 гр путер
И повеќе:
- 500 мл слатка павлака
- 500 гр вишни
- 1 мала лименка ананас
- 150 гр сечкани лешници
Подготовка:
Измешајте 4 белки, па постепено додадете 4 лажици шеќер и матете додека не добиете тврд снег. Додадете 1 лажица брашно, 6 лажици мелени ореви и 1 лажица лешници, па сè нежно измешајте со блендер. Истурете во плех со димензии 23 x 33 cm и печете 10-12 минути на 200 C.
Постапката повторете ја и за останатите три кори. За филот убаво изматете ги жолчките со шеќер, па додајте го густинот и пудингот кои се измешани со 150 мл млеко и сето убаво измешајте. Остатокот од млекото ставете го да зоврие, па додадете ја оваа смеса. Гответе на тивок оган со постојано мешање додека не се згусне.
Кога ќе се излади додадете го изматениот путер и сето убаво измешајте. Пред да го наполните колачот изматете ја слатката павлака. На плехот прво се става кората, па се премачкува филот, се ставаат вишните, се посипуваат лешниците, па се става слатката павлака одозгора.
Потоа следува втората кора, филот, ананасот исечкан на коцки, лешниците и слатката павлака. Се става третата кора, па филот, вишните, ананасот, лешниците и слатката павлака. Одозгора ставете ја четвртата кора и украсете ја тортата по желба со шлаг и вишни. Оставете во фрижидер преку ноќ добро да се стегне.
Пријатно!