Изгледот на оваа салата ќе ја разубави вашата празнична трпеза.
Салатите во слоеви, особено ако се шарени, одлично се вклопуваат на празничните маси. Ако ви здодеа постојано да правите руски или мимози, еве рецепт за салата со шунка, варени јајца и пченка. Додавањето ананас ќе му даде посебна арома, меѓутоа, доколку не сакате да експериментирате со вкусови, не додавајте го.
Состојки:
- 200 гр шунка
- 1 конзерва пченка
- 5 тврдо варени јајца
- 1 конзерва ананас
Фил:
- 2 лажици кисела павлака
- 2 лажици мајонез
- 2 чешниња мелени лук
- сол, бибер, оригано
Подготовка:
Исечете ја шунката на коцки. Исцедените парчиња ананас исечете ги на мали парчиња. Изрендајте ги јајцата.
Подгответе го сосот: ставете ги сите состојки во сад и добро измешајте ги. Ставете ја шунката на дното на сад за сервирање и прелијте ја со малку сос.
Потоа ставете половина пченка, половина од јајцата и повторно прелијте го сосот. Наредете го ананасот, другата половина од пченката и остатокот од сосот. Одозгора ставете го остатокот од јајцата.
Пријатно!