Еве еден вкусен рецепт за љубителите на солени деликатеси. Овие полжави можете да ги јадете за појадок, може да ги послужите како гарнир со вашето омилено јадење, но можете да ги комбинирате на милион начини. Постојат многу идеи за ова вкусно пециво, а ние ви ги предлагаме највкусните полжави!
Состојки:
- 500 гр готови кори
- 150 гр сирење
- 2 јајца
- 1 лажичка прашок за пециво
- 200 гр спанаќ
- масло
Подготовка:
Спанаќот сварете го, исцедете го и исечкајте го. Изгмечете го сирењето, па додадете ги јајцата, спанаќот и прашокот за пециво. Изматете ја смесата добро да се изедначи. Подмачкајте ја кората со масло, наполнете и насукајте ја. Преклопете од двете страни за да не истече полнењето. Свиткајте во круг, а потоа ставете во плех за печење.
Ставете една лажица фил во средината на полжавот, а горниот дел премачкајте го со масло. Печете во загреана рерна на 200 степени околу половина час.
Пријатнен апетит!