Реклама
Нешто посно за во посните денови, или едноставно кога сакате да одморите од месото.
Состојки:
- 1 главица кисела зелка
- 2 моркови
- 1 димена риба по вкус
- 250 гр ориз
- 2 страка праз
- 2 главици кромид
- 1 поголем компир
- 150 гр мелени или сечкани ореви
- зачини по желба
Подготовка:
Се пропржува сечканиот кромид и праз, па се додаваат ренданиот морков, компирот и се динста малку. За тоа време потопете го оризот во вода и додадете го во тавата со зеленчукот. Варете околу 10 минути, зачинете по вкус.
Реклама
Тргнете од шпорет, па додајте ги оревите и рибата што сте ја исецкале. Завиткајте ја смесата во листовите, односно направете сармички, па наредете во огноотпорен или земјен сад. Наредете и малку листови зелка одозгора, па прелијте ја сармата со вода која сте ја измешале со малку лута пиперка. Печете на 150 ° C околу 4 часа.
Пријатно!