Можете да јадете лесни ѓевреци со крцкава кора и мека средина без ништо, а може да ги послужите и со омилените намази и месни производи.
Состојки:
- 300 мл топла вода
- 1 лажичка шеќер
1,5 лажички сув квасец (5гр)
- 2 лажици масло
- 550 гр брашно
- 1 лажичка сол
Повеќе:
- 100 гр семе од сусам
- 80 мл млака вода
- 1 лажичка мед
Подготовка:
Измешајте вода, шеќер, масло и квасец. Оставете да отстои некое време, а потоа додадете брашно и сол. Брашното додавајте го постепено и мешајте убаво. Измешајте го брашното добро. Месете го тестото така што нема да се лепи на вашите раце. Оставете на топло место да нарасне околу еден час.
Ако едвај чекате, забрзајте го овој процес со загревање на рерната на 50 ° C, потоа ставете го тестото таму и оставете го 25-30 минути. На набрашнета површина, месете го тестото и поделете го на осум дела. Истегнете го секое парче со должина од 40-45 см, а потоа спојте ги краевите, така што ќе добиете кружно ѓеврече.
Измешајте млака вода и мед. Секој ѓеврек премачкајте го со вода и мед, а потоа со семе од сусам и наредете во плех обложен со хартија за печење. Печете на 200 ° C околу 20 минути.
Пријатно!