Едноставен рецепт за колачи сакани од сите генерации – полнети мини жу-жу.
Веќе не мора да одите во пекара кога ви се јаде, дома правете ги највкусните печива, полнети со крем сирење и шунка. Прекрасното крцкаво печиво можете да го послужите за вечера, но и како мезе за прославата. За да добиете такви прекрасни мини парчиња, ќе ви помогне решетката за рерна, а најдобро од се е што се печат само 20 минути.
Состојки:
- 800 гр лиснато тесто
- 300 гр крем сирење
- 200 гр шунка
- 200 гр кисели краставички
- 1 јајце
Подготовка:
Лиснатото тесто поделете го на 2 дела и развлечете го тенко. Измешајте крем сирење со рендани кисели краставички и шунка. Добро соединете. Тестото ставете го на хартија за печење, па покријте го со добиениот фил.
Одозгора ставете го другото лиснато тесто и отсечете го вишокот на краевите. Извадете ја решетката од рерната и притиснете прво хоризонтално, а потоа вертикално за да направите коцки врз тестото.
Исечете ги, па ставете ги на плех со хартија за печење. Премачкајте со изматено јајце и печете во загреана рерна на 180°C околу 20 минути.
Пријатно!