Оригинален струмички рецепт, деликатес кој може да се најде на трпезите во сите струмички семејства се полнетите слезини.
Слезините како печено јадење се подготвуваат најчесто во сезоната на јагнешко месо. Полнетите слезини може да се послужат заедно со павлака и зелен кромид.
Состојки:
- 6 слезини
- 150 гр ориз
- 2-3 главици зелен кромид
- 2-3 моркови
- Млеко
- масло
- Црн пипер
- Сол
- Сушено нане
Подготовка:
Слезините убаво се мијат и се оставаат во ладна вода. Поради силниот мирис се оставаат во млеко да отстојат околу еден час и повторно се мијат. Во тенџере со претходно загреано масло се пржи веќе исечканиот зелен кромид заедно со оризот, солта, црниот пипер и нането.
Со оваа смеса наполнете ги претходно исечените слезини, а исечокот сошијте го со игла и конец за горвење или затворете со чепкалка за заби. Полнетите слезини се ставаат во подмачкана тава и се прелеваат со вода заедно со исецканите моркови.
Тавата се покрива и се пече во претходно загреана рерна на 200 степени околу еден час. На крајот садот се остава отворен во рерна за да добие убава боја и кркава коричка.
Пријатно!