Рибата е одличен извор на високо квалитетни протеини, незаситени масти, железо, калиум, фосфор, витамини… Затоа дозволете си квалитетен ручек со риба во комбинација со сос од домати.
Состојки:
- 1 кг ослич (филети)
- 1 главица кромид
- 2 црвени пиперки
- свеж магдонос
- малку пченкарно брашно
- сос од домати
- сол, црн пипер, вегета
- малку путер
Подготовка:
Филетите ослич ги сечкаме на парченца. Во сад мешаме 2 лажици пченкарно брашно, вегета, сол, црн пипер и во оваа смеса ги валкаме парченцата риба. Ги запржува на тивок оган се додека не станат крцкави.
Во друг сад за ги запржуваме кромидот и пиперките (кои претходно сме ги исечкале на ситни парченца), го додаваме сосот од домати и 1 лажица пченкарно брашно.
Кога сосот ќе ја добие посакуваната густина (а доколку се згусне премногу слободно додадете вода), ставете ги парченцата риба, малку путер и динстајте 10-15 минути.
Пред сервирање наросете свеж магдонос. Ова јадење совршено одговара со ориз или друг варен зеленчук.