Пикантен намаз со суви пиперки и јајца – Одличен прилог со кифлички!

Направете вкусен намас од црвени суви пиперки.

Состојки:

• 1/2 страк праз
• 3 суви пиперки
• 2 тврдо варени јајца
• 100 гр бело сирење
• 1 голема лажица мајонез (или кисела павлака)
• по вкус сол и бибер

Подготовка:

Најпрво сувите пиперки ставете ги во сад со вода да се варат. Празот исечкан на помали парченцка ставете го во блендер или сецко (ако немате може и со обичен миксер).

Додадете ги сувите пиперки на кои претходно сте им ја отстраниле лушпата, тврдо варените јајца и сирењето. Додајте и 1 голема лажица мајонез (ако не сте љубител на мајонезот може како замена и павлака) и зачини по вкус, зависно од тоа колку е солено избраното сирење.

Добиената смеса изблендирајте ја убавo и намазот е готов. Ќе добиете еден убав пикантен намаз одличен прилог за со кифлички, пржени тиквички или како мезе за со некој жесток пијалок.

На здравје!