Оризот со пилешко е стар традиционален рецепт кој се подготвува во секој дом во и ги собира семејствата на трпеза во недела.
Состојки:
- 4 пилешки копани со поткопан
- 200 гр ориз
- 1-2 глави кромид
- Сушен зеленчук (мешан зачин Вегета)
- Сол
- Црн пипер
Подготовка:
Измијте го пилешко месо и ставете го да се вари. Откако водата ќе зоврие, менувајте ја со чиста топла вода и оставете ја да зоврие. Кога месото е веќе сварено во вода, ставете сол и вегета и може да се продолжи со подготовка на оризот.
Кромидот исечете го ситно и запржете го во тава со малку масло додека не добие златна боја. Оризот се мие, се процедува, се додава во пропржениот кромид и се пропржува заедно неколку минути со постојано мешање.
Истурете го оризот во тепсија бр. 26, во која ќе се пече и со вода прелијте го. На 200 гр ориз се става 600 мл вода, или во однос 1:3. Тепсијата со ориз се остава да се вари малку. По 5 – 10 минути, кога оризот е малку сварен, врз него го ставаме месото од вареното пилешко. Одозгора ставаме црн пипер и печеме во загреана рерна, на 200 степени, околу 20 минути.
Пријатно!