Млечник е еден од рецептите кои ја истакнуваат и ја прават нашата кујна посебна. Слатко-солена, варијанта на подготовка на Млечник ја има само во Струмица.
Состојки:
Солен дел:
- 500 гр. кори
- 200 гр. сирење
- 100 мл. кисела вода
- 100 мл. масло
- 100 мл. масло
- 2 жолчки
- 2 лажици јогурт
- Сол
Слаткиот дел:
- 400 мл. млеко
- 150 гр. јуфки
- 6 јајца
- 8 лажици шеќер
- 3 ванилин шеќер
Подготовка:
Прво подгответе го филот за солениот дел. Во сад измешајте ги жолчката, сирењето, киселата вода, маслото, јогуртот и прстофат сол. Во тркалезна подмачкана тава ставете една кора, но краевите треба да бидат надвор. Слојот се премачкува со масло.
Потоа правите крашник на тој начин што земате еден слој на кој го ставате филот и го завиткувате во кифличка. Слојот со филот се става на крајот од тавата за печење и треба да се збрчка. На ист начин направете уште неколку слоеви за да се покрие целата тава за печење и да се формира крашник.
Слојот од дното, чии краеви се надвор од тавата за печење, се префрлаат над крашникот. Ставете ги јуфките на средина. Измешајте ги состојките за слаткиот фил (млеко, јајца, шеќер и ванилин шеќер) и прелијте го средниот дел во тавата за печење.
Крашникот се премачкува со мешавина од малку кисела вода, масло и јајце. Се пече на температура од 200 степени околу 40 минути. Одоздола задолжително добро да биде испечено.
