Гурманска пита исполнета со богат фил, ви ги буди сите сетила за вкус. Нема да можете да престанете со јадење.
Состојки:
- 500 гр кори за пита
- 200 гр праз
- 200гр компири
- 500гр печурки
- 250 гр мелено месо
- мешавина од зачини по вкус
- мелен пипер по вкус
- сол по вкус
- масло по потреба
Прелив:
- 3 јајца
- 200 мл пиво
- 200 мл млеко
- 50 мл масло
- 1 прашок за пециво
- сол по вкус
Подготовка:
На загреано масло пржете ситно сецкан праз и мелено месо. Додадете сол. Потоа додадете рендан компир и сецкани печурки, и пржете додека не се ослободи вишок течност. Зачинете по вкус со мешавина од зачини и бибер. Оставете ја смесата малку да се излади.
Загрејте ја рерната на 200С. Подмачкајте плех со масло со големина приближно на кора. Ставете две кори на дното, па наредете малку од подготвениот фил, ставете ги другите две кори, пополнете повторно со фил и по потреба посипете малку масло. Повторувајте ја постапката додека не се потроши целиот материјал, но не ги пополнувајте последните две кори.
За преливот изматете ги сите потребни состојки. Исечете ја питата на коцки, прелијте ја со преливот и малку протресете го плехот за печење, така што преливот се распределува насекаде. Печете во загреана рерна околу 40 минути.
Добар апетит!