Направете ги тулумбите по овој рецепт. Ќе бидат крцкави однадвор, меки одвнатре и нема да впијат масло.
Состојки:
- 300 гр. брашно
- 300 гр. вода
- 50 гр. маст
- 6 јајца
- 1 кгр. и 200 гр. шеќер
- 1 литар вода
- малку сок од лимон
- масло
Подготовка:
Од 1 литар вода и 1 кгр. и 200 гр. шеќер сварете го најпрво шербетот и тоа да биде погуст и ставете во него сок од лимон.
Ставете ја водата на оган со маста да зоврие и постепено додавајте го брашното. Откако зоврие убаво, тргнете го од оган и оставете го малку да се олади. Потоа додавајте ги едно по едно сите јајца и месете додека не добиете мазно тесто.
Ставете на оган маслото да се загрее и низ шприц за тулумби спуштајте ги тулумбите во маслото да се испржат. Готовите тулумби вадете ги со решеткаста лажица и веднаш ставајте ги во шербетот. Провалкајте ги од сите страни во шербетот и редете ги во поголема чинија. Уживајте во насладувањето.
Пријатно!