Многу мек и пувкав леб, кој има прекрасна крцкава коричка и вкус кој потсеќа на дамнешниот леб од фурна.
Со овој рецепт, во домашни услови, во рерна ќе направите леб ист како од селска фурна.
Состојки:
- 400 гр. брашно (пресеано)
- 1/2 свеж квасец
- 1 лажичка шеќер
- 1 лажица сол (израмнете)
- 1 лажица масло
- 240 мл. малку топла вода (за меко тесто)
Начин на подготовка:
Растворете го шеќерот во 80 мл. топла вода (до 42°С). Кога ќе се олади додадете го квасецот и измешајте добро за да се раскрши квасецот на ситни делови. Може да додадете и 1 лажица брашно. Оставете да се активира квасецот околу 3-5 минути.
Во длабок сад пресејте го брашното и во него додадете го активираниот квасец. Добро измешајте со дрвена лажица. Започнете со постепено додавање на водата и непрестано мешање, на почетокот со дрвена лажица а потоа со раце.
Замесете меко и хомогено тесто.
Кога ќе го замесите тестото покријте го садот и оставете да стата на топло, треба да отстои 45-50 минути.
Откако ќе стаса тестото, од него оформете леб и ставете го во плех за печење обложен со хартија. Одозгора посипете брашно со помош на цедалка и направете 2-3 многу мали и нежни засеци. Покријте го со крпа и оставете да стаса 40 минути.
Откако ќе стаса ставете го во рерна да се пече.
Печете во загреана рерна на 180 степени Целзиусови. На дното од фурната ставете тавичка со вода за да ја одржува влажноста. Подготвениот плех со лебот ставете го врз решетките.