Лесен рецепт кој неможе да го згрешите.
Состојки:
- 500 мл млака вода
- 1 кесичка (8 гр.) Сув квасец или 1/2 кесички свеж квасец
- 2 лажички шеќер
- 1 лажиче сол
- 3 лажици масло
- околу 800 гр брашно
- околу 300 гр рендано бело сирење (за полнење)
- масло за пржење (околу 400-500 мл)
Подготовка:
Истурете ја млаката вода во сад. Додадете го шеќерот и сол. Додадете го квасецот и промешајте. Додадете го маслото. Почнете да го додавате брашното постепено и промешајте. Откако ќе се формира како топка, пренесете го тестото на работната површина. Месете меко нелепливо тесто, додавајќи повеќе брашно доколку е потребно. Формирајте топка и ставете го тестото во сад.
Покријте го со пластична фолија или мека крпа и оставете го да се одмори. Поделете го тестото на два дела за полесно да се процесира. Раширете го на работната површина со дланките или со сукалка. Исечете го тестото во 8 правоаголници. Земете правоаголник и повторно лесно раширете го со прстите за да го разредите. На едниот крај ставете 1-2 лажици на рендано сирење. Започнете да мотате од едната страна. Засукајте тесна ролна. Внимателно стиснете го работ со прстите за да не се отвори при пржење.
Загрејте го маслото на среден оган. Оставете ги пирошките да се пржат додека не поцрвенат од едната страна. Потоа свртете ги и пржете ги од другата страна. Извадете ги готовите пирошки и ставете ги 1-2 минути на чинија врз кујнска хартија за да се исцедат од вишокот маснотии. Послужете додека е се уште топло.
Добар апетит!