Направете намаз од сремуш и сирење кој има вистински придобивки за организмот.
Сремуш е многу популарен во овој период од годината, на пазарите се нуди како снопче на свежи зелени листови. Исклучително е здрав, содржи витамини и минерали, поволно делува на општата состојба, го подобрува имунитетот, помага при висок крвен притисок, на дигестивниот тракт.
Доволно е да се каже дека ова растение е првото нешто што мечката го јаде кога ќе се разбуди од долгиот зимски сон. Поради прекрасниот мирис и вкус на лукот, се користи во готвењето главно за салати или како додаток на чорби и супи. Ви пренесуваме рецепт за намаз од сремуш, кој освен што ќе го намачкате на кришка леб, може да се користи и како додаток на тестенини или рижото.
Подготовка:
- 1 поголемо снопче мечкин лук
- 100 гр крем сирење
- 100 гр кисела павлака
- 100 гр тврдо сирење
- 2 лажички сок од лимон
- 1 лажица маслиново масло
- сол, бибер
Подготовка:
Сремушот измијте го, крупно исечкајте го и заедно со сол и маслиново масло измешајте го во блендер или со миксер со стапчиња. Ова и вака да го оставите само по себе е превкусно и може само така да се користи, со додаток на некои зачини по желба и малку повеќе маслиново масло.
Понатаму, додадете крем сирење и павлака, ситно рендано тврдо сирење, по вкус сол, сок од лимон и бибер. Повторно изматете сè додека не добиете мазна маса.
Обидете се и прилагодете го вкусот, додадете, доколку е потребно, повеќе сол, сок од лимон или масло. Посипете со бибер и измешајте сè уште еднаш, истурете во тегла и чувајте го во фрижидер добро затворено.
Пријатно!