Посна храна може да биде исклучително вкусна кога се подготвува вака.
Состојки:
- 500 гр компири
- 500 гр модар патлиџан
- 500 гр свежи пиперки црвени
- 200 мл масло
- 500 мл сок од домати
- 1 кромид
- 3-4 чешниња лук
- 1 лажица брашно
- 1 лажица шеќер
- сол
- бибер
- свеж магдонос
Подготовка:
Исечете ги компирите на прстени и ставете ги во ладна вода. Модриот патлиџан, исто така, исечете го на прстени, посолете го и оставете го настрана половина час.
На масло пропржете го кромидот, додадете го лукот и прелијте со сокот од домати. Додадете сол, една лажица шеќер и една лажица брашно. Варете додека не се згусне.
На многу масло пропржете ги компирите 8-10 минути, исцедете ги и ставете ги во тавче. Додадете сол. Направете го истото и со модриот патлиџан, а потоа ставете го преку компирот. Додадете сол.
Сецканиот црвен пипер, динстајте го во истото масло 15 минути. Наредете преку модриот патлиџан. На крај додадете го доматниот сос одозгора. Се пече во рерна на 200 c – 30 минути.
Пријатно!