Како и многу видови мед, медот од тиква се користи и за медицински цели.
Полињата на примена на овој мед се многу разновидни. Најефективен е во лекувањето на заболувања на црниот дроб и бубрезите. За многумина овој мед е вреден, бидејќи ефикасно помага во исфрлањето на штетни материи и лекување на болести на уринарниот тракт. Одличен е за иритирачка кашлица.
Благодарение на благото лаксативно и диуретично дејство, медот од тиква е одличен при запек и разни болести на дебелото црево. Воедно, поради високата содржина на витамини и каротин, овој мед е одличен засилувач на имунитетот и општата виталност. Помага во борбата против зголемен холестерол, атеросклероза, го намалува отокот на срцева слабост. Употребата на мед од тиква се препорачува и за дебелина.
Состојки:
- 1 зрела жолта тиква
- шеќер
Подготовка:
За да подготвите мед, потребна ви е една зрела жолта тиква. Сè што треба да направите е да го отсечете горниот дел и да ја извадите внатрешноста (семиња и влакна). Во големиот отвор што се добива треба да истурите шеќер, секаков вид, по ваша желба. Количината зависи од големината на тиквата и треба да ја наполни до горе.
Врвот го поклопуваме со отсечениот врв и го оставаме десет дена на ладно место. Тиквата најдобро е да ја ставите во поголем сад, бидејќи со текот на времето ќе омекне и тешко ќе ја преместите.
За тоа време, шеќерот ќе се раствори во сокот од тиква. Штом шеќерот се раствори, отстранете го капакот и истурете ја добиената течност во стаклен сад. Ако случајно му се фатила мувла на капакот на тиквата, не треба да се грижите. Во тој случај, направете дупка на дното на тиквата и низ неа истурете го медот во садот.
Најдобро е да го чувате медот во фрижидер во чиста стаклена тегла со капак. Рок на траење е околу еден месец. За да го зачувате подолго, можете да го варите додека не се згусне, но во овој случај се губат дел од корисните состојки.
А како ќе го искористите овој мед е ваш избор. Можете да засладите чај со него, можете да го консумирате самостојно 2-3 пати на ден, по 2-3 лажици, можете да го користите како прелив за палачинки или можете да измислите своја варијанта, се зависи од вашата фантазија. Конзумирајте го онолку долго колку што сакате. Доколку не е доволно, можете наеднаш да подготвите поголема количина од 2-3 тикви.
П.С. Ако случајно не можете (или не ви се допаѓа) да консумирате мед направен од шеќер, наполнете ја содржината на тиквата со вистински пчелен мед.