Се што сакате во едно лиснато тесто, сето тоа спакувано во крцкави топли ролнички. Ова лесно предјадење ќе ви донесе многу поени кај вашите домашни.
Состојки:
- 1 пакетче готови кори (500гр)
- 400 гр кисели краставички исецкани надолжно
- 1/2 чаша сенф
- 1 лажичка лук во прав
- 1 лажичка кромид во прав
- 400 гр тенка до средна исечена шунка
- 300 гр кашкавал
- 1 јајце
- 1 лажица вода
Подготовка:
Земете две кори. Измешајте лук во прав, кромид во прав и сенф заедно во мала чинија. Намачкајте од смесата низ двете кори кои ги земавте.
Распоредете кисели краставички, а потоа ставете еден слој на кашкавал и шунка. Тие да бидат расгрлани низ целата кора за да може секаде да има од смесата.
Сега завиткајте ја кората, ставете ја во плех. Истата постапка важи и за останатите готови кори. Потоа покријте ги со фолија и ладете во фрижидер 30 минути.
Загрејте ја рерната на 180 степени. Извадете ја пластичната фолија од плехот и ставете ги корите на даска за сечење.
Користете назабен нож, нежно исечете на парчиња. Сега ставете ги на плех обложен со хартија за печење, и оставете растојание меѓу нив.
Во мал сад изматете го јајцето со 1 лажица вода, а потоа ставете од смесата на врвот на секоја ролничка. Печете вкупно 24-26 минути.
Добар апетит!