Незаменлива состојка во многу јадења, зелката е и ценет лек. Нашите баби сè уште знаат и успешно ги користат листовите зелка за лек.
Предлагаме да се потсетиме на искуствата на нашите предци и да го искористиме целиот лековит потенцијал на овој зеленчук. Кога можете да користите листови зелка:
Повреди и изгореници
На повреденото место се става лист од свежа зелка (претходно малку се омекнува со кујнски чекан за малку да се исцеди сокот), се фиксира со завој и се остава преку ноќ. До утро, отокот и болката се намалуваат.
Болни зглобови
Зелката може да биде ефикасна за болни зглобови поради изобилството на витамини и фитонутриенти, како и глутамин и антоцијани, кои имаат силни антиинфламаторни својства. Облогите од зелка делуваат така што го намалуваат отокот и воспалението, а со тоа ја намалуваат болката, така што човек може полесно и подобро да се движи. Како погоре малку се омекнува листот па се става на болните зглобови.
Главоболка
Листовите од зелка можат да ги ублажат и главоболките и треската. Ставете по еден лист на секоја слепоочница и завиткајте ја главата во крпа. Помага дури и при мигрена!
Болка во градите
За време на лактацијата и доењето, многу жени доживуваат болно отекување на градите. Народната медицина им помага на доилките. За лекување се користат поголеми листови. Измијте ги, исечете ги тврдите делови од листовите, а листовите малку се дробат со рака и се ставаат на градите. Овој метод се користи и за маститис и болки во градите при ПМС.
Каснувања од инсекти
Листовите од зелка ја ублажуваат состојбата на болните каснувања од оси, пчели. Дејствува како магнет, извлекувајќи го отокот и болката од отечената област.
Постојана кашлица и бронхитис
За да започнете со третманот ќе ви требаат 1 главица зелка и мед. Полека одвојте еден лист од главата. Листот од зелка треба да се натопи во врела вода неколку минути. Ќе стане топол и мек. Потоа, едната страна намачкајте ја со мед. Ставете ја страната каде што е медот на градите на пациентот. Одозгора се става најлонска кеса и се завиткува во шал или крпа.
Постапката се изведува пред спиење. Ако бронхитисот е во почетна фаза, резултатот ќе биде видлив по првата процедура. Третманот трае од пет до седум ноќи. И наскоро од тешката кашлица нема да остане ни трага.