Тортата Кралицата Викторија е совршена за летни прослави и е исклучително лесна за правење.
Тортата Викторија стана класика на британската кујна, а е исклучително лесна летна торта исполнета со маргарин и овошен фил. Инаку, оваа торта го добила името по кралицата Викторија која обожавала да ја јаде со попладневен чај, а рецептот го создала дамата на дворот и пријателка на кралицата, војвотката Ана Расел.
Оваа торта стана толку популарна што Британците ја прават за специјални пригоди, а и до ден денес е омилена на дворот. Рецептот е повеќе од едноставен, а не се знае дали тортата е повкусна или поубава, а е совршена за сите настани и прослави.
Состојки:
За кората:
- 4 јајца
- 200 гр шеќер
- 200 гр маргарин
- 1 кесичка прашок за пециво
- 2 лажици млеко
За полнење:
- 100 гр маргарин
- 140 гр шеќер во прав
- 200 гр џем од малини или јагоди
- 1 лажичка екстракт од ванила
Подготовка:
Загрејте ја рерната на 180 степени. Изматете ги најпрво цели јајцата додека не станат пенести, па измешајте ги со шеќерот, омекнатиот маргарин, прашокот за пециво и млекото, па матете додека не добиете мазна, еднолична смеса. Истурете го тестото во тркалезна тава за колачи со дијаметар од 20 см и печете околу 20 минути.
Кога ќе се испече, оставете го да се излади, па пресечете го на половина по ширина за да добиете две кори. За филот, матете го омекнатиот маргарин додека не стане пенест, па постепено додавајте шеќер во прав со матење цело време. На крајот, истурете го екстрактот од ванила.
Долната кора ставете ја на плех, обилно покријте ја со џем, а потоа со филот од маргарин. Одозгора ставете го вториот бисквит и лесно притиснете. Оставете го во фрижидер да се стегне околу еден час, а по желба пред послужување посипете го со шеќер во прав.
Пријатно!