Направете ги највкусни кифлички со сирење по брз и едноставен рецепт.
Потребни состојки:
- 750 гр брашно (+ за месење)
- 400 гр кравјо сирење
- 125 гр путер (на собна температура)
- 30 гр шеќер
- 10 гр сув квасец
- 400 мл млеко
- 100 мл масло
- 4 јајца
- 2 гранчиња мајчина душица
- 2 лажиче сол
- кора од 1 лимон
- сусам за посипување
Начин на подготовка:
Млекото се загрева малку и квасецот заедно со шеќерот се раствораат во него.
На даска за месење истурете го брашното и змешајте го заедно со солта. Формирајте куп од брашното и во средина направете вдлабантина во кој се истураат млекото со квасецот и маслото. Додадете ги белките од јајцата и замесете меко и еластично тесто. Оставете го да надојде, на собна температура.
Потоа расукајте го тестото во кора со дебелина од 5 мм, и насечете ја на триаголници.
Направете го полнењето за кифличките, така што со виљушка ќе го изгмечите сирењето и ќе го измешате со путерот, изренданата кора од лимон и листовите од мајчина душица. Сето тоа добро измешајте го за да добиете убава хомогена смеса за полнење.
Ставете од полнењето на секој триаголник. Потоа засукајте ги како ролни и наредете ги во плех обложен со хартија за печење.
Вака подготвени оставете ги малку да нараснат кифличките, а потоа премачкајте ги со изматени жолчки и одозгора посипете семе од сусам.
Печете 15-20 минути во загреана рерна на 180 степени Целзиусови, со вентилатор.
На здравје!