Кантарионот одамна е познат кај нашиот народ по своето лековито дејство. Една од можностите за користење на лековитите својства на кантарион во текот на целата година е да се направи масло од кантарион.
Маслото од кантарион главно се користи за воспалителни процеси на кожата, за третман на полесни повреди, благи изгореници, црвенило предизвикани од сончање, отоци од убоди од инсекти, за масажа при ревматски заболувања. А во гинекологијата се нанесува во форма на вагинална супозиторија, или како тампон натопен со масло, како одлично средство за дезинфекција против бактериски инфекции.
Маслото од кантарион се прави на едноставен начин, па еве како можете да го направите дома:
Состојки:
- цветови од кантарион
- маслиново масло
Исечете ги растенијата со нож или ножици, така што корените ќе останат во земјата и следната година. Собраните растенија врзете ги во сноп и закачете ги некаде за да преноќат.
Растенијата не се мијат. Наутро растенијата ставете ги во измиени и исушени тегли, а потоа прелијте ги со маслиново масло до врвот на теглата. Во традиционалната медицина се користи маслото од кантарион, кое се подготвува така што со врвовите на ова растение се полнат три четвртини од стаклена тегла или соодветно шише, а потоа се прелива со маслиново масло.
Се препорачува да се користи висококвалитетно ладно цедено маслиново масло. Затворете ги теглите со капак. Оставете ги теглите да отстојат 45 дена. Маслото треба да добие карактеристична црвеникава боја.
По тој период, филтрирајте го маслото и исцедете го од растенијата. Истурете го маслото во шишиња со помош на инка и газа, а потоа чувајте го на погодно место. Да се чува на суво, ладно и темно место. Не треба да се чува на сонце или во фрижидер.
Вака подготвеното масло од кантарион може да се користи во текот на целата година, до следната жетва на кантарион.
За што е добро маслото од кантарион и како се користи?
Маслото од кантарион може да се користи надворешно и за јадење. Одличен е за кожата па може да се користи за нанесување. Ја заштитува кожата и ги спречува воспалителните процеси на неа. Помага и се грижи за чувствителна, сува и испукана кожа. Може да се користи и за масажа.
Се користи за опуштање на мускулите и помага при слаба циркулација. Маслото од кантарион не треба да се користи како заштита од сонце, бидејќи е фотосензитивно и може да предизвика промени на кожата, но доколку имате изгореници, корисно е.
Маслото од кантарион е подеднакво добро за каснувања, изгореници и заздравување на рани, а се нанесува и за убоди од инсекти. Се нанесува на лицето како природен лек против акни, а помага и при ревматизам. Маслото се користи и за лекување на хемороиди.
Кантарионот се користи и во козметичката индустрија, а со вашето масло загарантирано ќе ја одржувате вашата кожа здрава цела година. Може да се користи и за нега на коса.
Кантарионот е добар за желудникот и против депресија. Против стомачни болки и за смирување потребно е да се пие по 1 лажичка масло од кантарион три пати на ден, половина час пред јадење, со малку течност или да се стави на коцка шеќер и да се цица.
