Можете ли да замислите едно јадење да биде толку убаво, волшебно, до толку да се онесвестите од него!
Состојки:
- 4 модри патлиџани
- 2 главици кромид
- 100 гр масло
- 4 пиперки
- 2 домати
- 1 лута пиперка
- 1 китка магданос
- сол
За запршката потребно е:
- 50 гр брашно
- 50 гр масло
- 300 гр доматен сос
Подготовка:
Измијте ги модрите патлиџани, исечете им ги дршките, а потоа засечете ги на неколку места по должина. Испржете со маслото ситно сечкан кромид, сечкани пиперки, домати и лута пиперка. Пред крај на пржењето додадете магданос, посолете и промешајте.
Со вака припремената смеса полнете ги патлиџаните на местата каде што сте ги засекле. На загреано масло пржете ги патлиџаните, па кога ќе омекнат додајте малку вода и ставете ги во рерна да се печат околу 30 минути на 200 степени.
Направете запршка од маслото и брашното, додајте го сосот и оставете ја да проврие, па пред крај на печењето на патлиџаните прелијте ги со запршката и допечете ги. Се надеваме дека ќе уживате во ова старо не заборавено јадење.
Пријатно!