Еспресо чизкејк со чоколадна глазура. Секој од нас ја има својата омилена слатка, онаа што сакаме да ја јадеме со попладневното кафе.
Додека некои претпочитаат чоколадни десерти, други претпочитаат овошје, а други преферираат крцкави варијанти со шлаг. Вкусовите се различни, поради што често се среќаваат неверојатни комбинации, исто како нашата денес. Што велите за дует од вашето омилено кафе и колачи? Нешто што ќе ве држи на нозе, но и ќе заслади со својот уникатен вкус. Нешто како чизкејк еспресо со чоколадна глазура.
Состојки:
За кората:
- 2 и пол чаши трошки од чоколадо
- 2 лажици шеќер
- 4 лажици путер
За фил:
- ¼ шолји слатка павлака
- 2 и пол лажици инстант еспресо во прав
- 1 кг крем сирење
- 1 чаша кисела павлака
- 1 и пол шолја шеќер
- 5 јајца
- 1 лажица чист екстракт од ванила
- прстофат сол
За глазурата:
- 1/3 чаша слатка павлака
- 2 лажици сируп од пченка
- ½ шолја сечкано млечно чоколадо
Подготовка:
Загрејте ја рерната на 250 степени. Кружниот плех премачкајте го со спреј против лепење. За да ја подготвите кората, треба да измешате трошки од чоколадо со шеќер и стопен путер. Добиената смеса истурете ја на дното од тавата и печете во рерна околу 10 минути. Оставете потоа целосно да се излади.
За подготовка на филот потребно е во мало тенџере да се истури слатката павлака и да се остави да се вари на средна температура. Додадете еспресо во прав и измешајте да се соедини. Потоа се лади на собна температура. Од друга страна, измешајте крем сирење, павлака и изладена павлака со еспресо во прав со додаден шеќер. Кога се добро ќе се соедини, додадете ги јајцата едно по едно. На крајот измешајте ги екстрактот од ванила и солта.
Добиениот фил ставете го над изладената кора и вратете ја во рерна. Намалете ја температурата на рерната на 150 степени и печете околу 1 час. Исклучете ја рерната и оставете го колачот да отстои најмалку 1 час во рерна и 2 часа надвор, па дури потоа извадете го од калапот.
За да ја подготвите глазурата, загрејте ги павлаката и сирупот од пченка во мало тенџере на средна температура. Во помал сад ставете го млечното чоколадо и прелијте го со кремот кога ќе зоврие. Оставете да отстои околу 15 минути. После тоа, добиената глазура изматете ја со миксер и прелијте ја тортата.
Пријатно!