Едно од омилените јадења на овие простори е секако гравот, без разлика дали е приготвен во вид на чорба или печен во рерна како тавче гравче.
Посебно им се допаѓа на домаќинките, бидејќи може да се јаде од него неколку пати, но понекогаш наидуваат на проблем кога е во прашање готвењето.
Понекогаш готвењето на гравот трае неколку часа за да биде готов целосно. Ви откриваме како со едноставни трикови побрзо да го подготвите омилениот ручек за целото семејство.
Со овие едноставни трикови побрзо ќе го зготвите гравот:
1. Сода бикарбона
Повеќето домаќинки знаат дека гравот треба да се натопи во ладна вода преку ноќ. Но, за да се зготви уште побрзо, „повикајте помош“ од сода бикарбоната.
Имено, добро е при готвењето грав да додадете една лажичка сода бикарбона во првата вода. Оставете го гравот да се динста најмалку 15 минути, а потоа исцедете ја водата и додадете малку масло.
2. Домашна ракија
Во гравот што ќе го готвите истурете ладна вода во содаоднос 4:1, односно два литра вода на половина килограм грав. Додадете 50 мл ракија и сварете го сето заедно.
Кога вака готвите грав, искуството вели дека е доволно да се крчка 45-50 минути и да биде целосно готов.
Секако, времето кое ќе го потрошите на готвење најмногу зависи од неговиот вид и квалитет. Лошиот квалитет и стариот грав тешко се готви и може да остане „тврд“ дури и по долга термичка обработка.