Дуњата е најароматичниот есенски плод од кој може да се подготват најразлични деликатеси, напитоци и десерти.
Во народната медицина дуњата се користи како прочистувач на цревата. Дуњата содржи во себе пектини. Корисно е дури и семето од дуњи, од кое се добива екстракт, кој е добар за прочистување на системот за варење како и крвните садови.
Состојки:
- 1 кг дуњи (околу 600 гр. чисти дуњи излупени и без семки)
- 500гр шеќер
- 250мл вода
- 3 листа барбароза
Подготовка:
Се става шеќерот и водата да се свари за да се добие шербет. Во меѓувреме се лупат дуњите.
Кога шербетот врие дуњите почнуваат да се рендаат и веднаш потоа се додаваат во шербетот. На тој начин се избегнува нивно потемнување.
Додека се вари слаткото се додаваат ливчиња барбароза за арома. Се вари скоро 1 саат со малку протресување на садот.
Кога слаткото е готово се покрива со влажна кујнска крпа за да се излади.
Кога е оладено се собира во стерилни тегли.
Се служи во мали тањирчиња.
Добар апетит!