Моцарт топчиња или (Mozartkugel) се светски познат деликатес и се едни од најпознатите австриски брендови.
Тие се создадени во 1890 година во Салцбург, според оригиналниот рецепт на врвниот слаткар од Салцбург, Пол Фирст. Фирст ги именувал според славниот австриски композитор Волфганг Амадеус Моцарт.
Потребни состојки:
Основна смеса:
- 280 гр бадеми (претходно сварени и без лушпа)
- 250 гр шеќер во прав
- 1 јајце
- сок од лимон
Дополнително:
- 100 гр фастаци
- 30 гр какао
- 50 гр бисквити или бадеми
- 200 гр. чоколадо за готвење
- 4 лажици масло
- 4 лажици млеко
Начин на подготовка:
Најпрво во тенџере ставете околу половина литар вода да зоврие, потоа тргнете на страна и во врелата вода истурете ги бадемите. Оставете да отстојат околу 3 минути а потоа прецедете ги и отстранете им ги лушпите.
Отавете ги да се исцедат добро од течноста, и кога ќе бидат потполно суви ставете ги бадемите во блендер. Изблендирајте ги така што ќе добиете бадемово брашно.
Додадете ги во бадемовото брашно и преостанатети состојки за основната смеса. Измешајте добро да добиете хомогена смеса.
Од смесата изведете 1/3 и ставете ја настрана. Од преостанатата смеаса исто така изведете 1/3 и тргнете ја настрана. Ќе добиете 3 различни по големина смеси.
Во најмалата смеса додадете 100 грама ф’стаци, во средната по големина смеса додадете 30 грама какао и во најголемата смеса додадете 50 грама бисквити или бадеми.
Направете топчиња најпрво од зелената смеса, па потоа завиткајте ги во црната смеса и на крај во крем слојот. (ВИДИ ВИДЕО)
На крај во сад стопете 200 грама чоколадо за готвење со 4 лажици масло и 4 лажици млеко. Секое топче извалкајте го во добиената смеса.
Наросете ги одозгора со дробени ф’стаци.
На здравје!
Целата подготовка на овој рецепт може да ја погледнете на следниот линк :