Нема нешто повкусно од тоа сами да си направите, а посебно ако тоа е домашен колбас.
Испробајте го нашиот рецепт и загарантирано нема повеќе да купувате колбаси од продавница.
Состојки:
- 10 кг мелено свинско месо
- 200 гр сол (2%)
- 30 гр бибер
- 5 глави лук
- Лажичка ким
- Црева за полнење
Подготовка:
Едноставно здробете го лукот со мелница, па натопете го во топла вода, приближно 300-400 мл и оставете го да отстои додека го подготвувате месото и ги мерите зачините.
Месото треба да го посипете со сол и бибер, па додадете ким и малку процедена вода со лук. Месото се замесува добро, за сите зачини да бидат рамномерно распоредени. Проверете ги вкусовите неколку пати и додадете повеќе вода доколку е потребно, во зависност од тоа колку ви се допаѓа интензивниот вкус на лук.
Цревата треба да се измијат и да се потопат во солена топла вода. Од подготвеното месо формирајте грутки со кои ќе ја наполните мелницата за месо на која е продолжетокот за фил за колбаси. Внимателно наместете ги цревата на мелницата, а потоа сомелете го месото за да се наполнат цревата односно на направите колбас.
Домашните колбаси сушете ги околу 15 дена, кога веќе се доволно исушени за да бидат подготвени за пржење. За да не се исушат или расипат ставете ги во замрзнувач и по потреба вадете од нив.
Пријатно!