Подготовката на хумус е далеку поедноставна отколку што звучи на прв поглед. Ова е одличен протеински намаз, благодарение на леблебијата која има до 25 проценти протеини во сувото зрно.
Состојки:
- 100 гр. сурови леблебии
- 1 лажица таан
- сок од 1/2 лимон
- сол и црн бибер (по вкус)
- маслиново масло по потреба
- 1/2 лажичка сода бикарбона
Подготовка:
Потопете ги леблебиите во ладна вода да отстојат преку ноќ.
Наутро, истурете ја водата, измијте ги зрната и ставете ја леблебијата да се готви со малку сода бикарбона.
Кога ќе се свари, исцедете ја и чувајте малку вода доколку е потребно за да го разредите намазот.
Мелете ги во блендер, додајте сол, бибер, таан, маслиново масло и сок од лимон.
Од додатоците, по вкус, можете да исецкате чешне лук, но наместо лимон, може да ставите и пире од домати.
Наш предлог е хумусот да го комбинирате со печени модри домати, одлично се комбинираат и надополнуваат вкусовите.
На здравје!