Сите знаеме колку е корисно цвеклото, но поради специфичниот вкус и мирис не секој може да го консумира.
Затоа ви подготвивме одличен рецепт за сируп од цвекло што претставува вистинска витаминска бобма која го јакне имуниот систем.
Состојки:
- 700 гр свежо цвекло
- 1 кг шеќер
- 1 л вода
- 20 гр ванилин шеќер
- 20 гр лимонтус
*Од овие состојки се добива околу 1,6 литри сируп.
Начин на подготовка:
Излупете го цвеклото и изрендајте го на покрупни парчиња. Ставете го во сад на оган додадете 1 литар вода и оставете да се вари. Кога ќе почне да врие течноста оставете на оган уште 20 минути. Повремено отстранувајте ја пената што ќе се формира одозгора.Тргнете од оган и оставете да отстои уште 10 минути.
Потоа прецедете ја течноста со газа или со сито. Во добиениот сок додадете 1 килограм шеќер и 20 грама ванилин шеќер.
Повторно вратете ја течноста во сад за готвење и ставете ја на оган. Варете на умерена температура со постојано мешање се додека да проврие сокот и целосно не се стопи шеќерот. Тргнете го сокот од оган и додадете го лимонтусот.
Врелиот сируп ставете го во претходно подготвени топли шишиња.
Совет: Чувајте го на ладно или во фрижидер.
Уживајте во вкусот!