Овој интегрален леб е направен од 100% интегрално брашно, плус семиња кои му даваат екстра вкус и нутритивност. Има пријатна текстура и вкус, а се подготвува за само еден час.
Состојки:
- 300 гр. интегрално брашно
- 200 мл. топла вода
- 7 гр. сув квасец
- 1/2 лажичка сода бикарбона
- 1/2 лажичка сол
- 1 лажица шеќер
- 1 лажица маслиново масло
- 2-3 лажици јогурт
- 2 свежи јајца
- 1 лажица семки од тиква
- 1 лажица сончиглед
- 1 лажица афион
- 1 лажица сусам
* Од сите семиња се става половина во тестото, другите врз лебот.
Подготовка:
Започнете со активирање на квасецот во малку топла вода и шеќер. Штом квасецот ќе се активира, додадете го во брашното заедно со содата, солта, јајцата, маслото и половина количина од сите семиња.
Додадете го и јогуртот. Измешајте ги состојките со дрвена лажица додавајќи вода постепено, се додека не постигнете соодветна густина… Тестото треба да е влажно, лепливо, но треба да биде доволно густо а тоа може да се провери со дрвена лажица кога ќе ја ставите во тесто треба да ја држи исправено.
Покријте го тестото со пластична фолија и оставете да нарасне околу 15 минути.
Префрлете го тестото на набрашнета површина и месете го кратко (околу 5 минути) без оглед на неговата густина. Треба да биде влажно и лепливо за месење, но не додавајте многу брашно.
Префрлете го тестото во тава за печење обложена со хартија и израмнете го со влажни прсти. Оставете да одстои уште 15 минути.
Посипете го остатокот семиња врз тестото и печете околу 30 минути во загреана рерна на 200С.
Оставете да се олади пред да си исечете парче.
Уживајте!