Испробајте го рецептот за најмеки переци.
Состојки:
Тесто:
- 300 гр брашно тип 400
- 500 гр брашно тип 500
- 40 гр свеж квасец
- малку шеќер
- 1 лажичка сол
- 2 дл топло млеко
- 3 дл топла вода
- 1 дл масло
Прелив:
- 1 јајце
Солен прелив:
- 3 лажици брашно
- 1 лажица сол
- ладна вода ако е потребно
Подготовка:
Ставете 2 лажици брашно, малку шеќер и пакетче квасец во топло млеко и почекајте 10 минути додека квасецот не нарасне.
Измешајте брашно со масло и сол и додадете квасец, и замесете тесто кое не се лепи, но не смее да биде тврдо. Месете го добро на набрашнета површина најмалку пет минути, додавајќи брашно доколку е потребно. Покријте го тестото и оставете го на топло 30 минути да се удвои количината.
Подгответе солен прелив. Се меша брашното и солта и полека се додава ладна вода и се меша да нема грутки. Густината е како тесто за палачинки.
Откинете од тестото или исечете ги топчињата со нож и со прстите валајте ги да наравите долги стапчиња. Засукајте ги гевреците во нивната форма и ставете ги на подмачкан плех. Само подмачкајте малку со масло.
Оставете да стасаат околу 10 минути додека рерната се загрева до 250 степени. Пред да ги ставите во рерна, премачкајте ги со изматено јајце. Печете ги переците додека не поруменат, извадете ги и ставете солен прелив врз нив и вратете ги уште 2-3 минути убаво да заруменат, а преливот да се исуши.
Пријатно!