Ви го препорачуваме овој рецепт за неодолив домашен Виетнамски багет.
Потребни производи:
- 450 гр брашно (+ за месење)
- 60 гр брашно од ориз
- 2 лажиче сув квасец
- 2 лажиче шеќер
- 2 лажиче сол
- 320 ml вода (топла)
Начин на подготовка:
Квасецот се раствора во водата. А во посебен сад измешајте ги двата вида брашно, заедно со шеќер и сол.
Се прави вдлабнатина во брашното во која се истура растворениот квасец. Добро промешајте ги состојките и замесете мазно и релативно лепливо тесто. Оставете да нарасне додека не се зголеми двојно волуменот.
Поделете го тестото на 6 еднакви топчиња. Секое топче се расукува во тенка кора. Двата пократки краеви се преклопуваат малку навнатре, а потоа се мотаат како ролна по должина. Постапката се повторува со сите топчиња од тестото.
Вака добиените багети наредете ги во намаслен и набрашнет плех и оставете да нараснат додека не го зголемат двојно волуменот. На секој багет, со тенок нож, се прави мал рез по должина.
Рерната се загрева до 220 степени со вентилатор. На дното од рерната ставете сад наполнет со камења и оставете најмалку 30 минути за да се загреат убаво. Потоа ставете го плехот со багети на решетката од рерната, во средина. Камењата се прскаат со вода за да се формира пареа.
Печете ги багетите 12-15 минути, попрскувајќи ги камењата со вода уште најмалку два пати.
Добар апетит!