Извонредна, вкусна велигденска плетеница.
Состојки:
- 500 гр мазно брашно
- 150 гр кисела павлака
- околу 1 дл млеко
- 1 јајце
- 20 гр квасец
- 1 лажица шеќер
- ½ лажица сол
- 125 гр путер – поделете се на 3 дела
- 1 јајце за премачкување
- 4-5 варени фарбани јајца за украсување
Подготовка:
Промешајте го квасецот, шеќерот и топлото млеко и оставете го на топло место 10-15 минути. Измешајте го нараснатиот квасец со наведените состојки на собна температура и измесете го тестото, со машина или со рака. Покријте го со кујнска крпа и оставете го да стои топло 45-60 минути, за да се зголеми двојно волуменот.
Тестото расукајте го тенко, премачкајте го со третина од путерот, завиткајте го, покријте го и оставете го да стои 15 минути. Повторете го процесот уште еднаш. По трет пат, тестото расукајте го тенко, премачкајте го со путер и исечете го точно на средина, за да добиете два дела. Потоа направете ги во ролна и на крај замотајте ги двете ролни една околу друга спирално.
Формирајте спирала во венец и ставете ја во тркалезен сад за печење со дијаметар од 28 см, претходно премачкан со путер.
Оставете ја плетенката покриена 20-30 минути, наредете ги обоените јајца и премачкајте со изматено јајце. Печете во загреана рерна 10 минути на 200 ˚C, намалете ја температурата на 180˚С и печете околу 20 минути, во зависност од рерната.
Пријатно!