Направете тарт од малини брзо и лесно.
Сезоната на малини трае долго, па затоа треба максимално да ја искористите. Едноставен тарт направен од ова сочно овошје ќе ве воодушеви уште при првиот залак. Иако кората е печена, рецептот не е комплициран и ќе трае само половина час. Комбинацијата од меко тесто и кисело овошен прелив совршено се вклопуваат, а можете да користите и кое било друго овошје по желба.
Состојки:
За кората:
- 2 јајца
- 50 гр шеќер
- 80 гр брашно
- прстофат сол
За прелив:
- 300 гр малини
- 4 лажици шеќер
- 1 лажица густин
- 1 лажица вода
Подготовка:
Јајцата изматете ги со миксер додека не побелат и станат пенести. Додадете сол и шеќер, па повторно измешајте сè. На крајот додадете го брашното и уште еднаш соединете сè. Добиеното тесто истурете го во подмачкана, тркалезна тава од 28 см.
Се пече во рерна загреана на 180 степени 15 минути. За тоа време подгответе го преливот.
Во тенџере ставете ги малините, посипете ги со шеќер и густин, додадете вода, па загрејте на умерен оган со постојано мешање. Кога смесата ќе зоврие, варете уште неколку минути, за малините да го испуштат целиот сок. На крајот сè измешајте со миксер за да добиете фина кашеста маса.
Кога ќе се испече кората, оставете ја да се излади, а потоа прелијте ја со уште топлиот сос од малини. Одозгора укаресете со цели малини или овошје по избор. Оставете целосно да се излади, па исечете и послужете.
Пријатно!